Salin ng ‘O Tower of Light’ ni Pablo Neruda
O tore ng liwanag, kariktang namamanglaw
na inaninagan ang mga kuwintas at estatwa sa dagat,
mata ng tisa, palatandaan ng malawak na tubig, pumalahaw
ng pagluluksa ng ibong-dagat, ngipin ng laot, asawa
ng hanging baybayin, o hiwalay na rosas
mula sa mahabang tangkay ng nayurakang palumpon
na sa kailaliman ay nag-anyong kapuluan,
O likas na tala, luntiang korona,
Nag-iisa sa nakalulumbay na pamumuno,
Hindi pa rin maabot, mailap, naalila
Gaya ng isang patak, isang ubas, gaya ng dagat.
Inialay kay Queng.
Badass Delights 